Stunt For Reels: रिल्ससाठी तरुण-तरुणींचा जीवघेणा स्टंट!

Verul Caves News: तरुण आणि तरुणीमध्ये सध्या रिल्स बनवण्याचे वेड वाढलंय. आजकालच्या तरुणा आणि तरुणींना रिल्स काढण्याची प्रचंड आवड असून, यासाठी स्वतःचा जीव देखील धोक्यात घालत असल्याचे चित्र सध्या जगप्रसिद्ध वेरूळ लेणी येथे दिसत आहे. रिल्स काढून सोशल मीडियावर फेमस होण्यासाठी कोणत्या थराला जाईल याचा अंदाज न लावलेलाच बरा आहे. वेरूळ लेणीतील उंच ठिकाणावरून एकदम शेवटच्या टोकावर रील आणि सेल्फी काढतानाचा व्हिडिओ समोर आला आहे. रील काढण्याच्या नादात दरीत कोसळून एका मुलीचा मृत्यू झाल्याची घटना ताजी असतानाच तरुण तरुणांनी अशा प्रकारचा व्यवहार करणे चुकीचे आहे. लेणी प्रशासन आणि पुरातत्व विभागाने याकडे लक्ष देण्याची गरज आहे.