Nawab Malik VIDEO: महायुतीच्या विरोधामुळे मलिक अपक्ष निवडणूक लढणार?

नवाब मलिक हे अपक्ष निवडणूक लढवण्याची शक्यता व्यक्त केली जात आहे. महायुतीच्या विरोधामुळे मलिक अपक्ष निवडणूक लढणार असल्याची माहिती सूत्रांकडून मिळत आहे. काही दिवसांपूर्वी अजित पवार यांच्या राष्ट्रवादीच्या बैठकीत नवाब मलिक दिसून आले होते. नागपुरच्या हिवाळी अधिवेशनात देखील सत्ताधारी बाकांवर नवाब मलिक बसलेले पाहायला मिळाले होते. याला भाजपने जोरदार विरोध केला होता. नवाब मलिक हे सध्या जामिणावर बाहेर असून गोवावाला कंपाऊंड प्रकरणात ईडीकडून मलिक यांना अटक करण्यात आली होती. त्यामुळे भाजपकडून नवाब मलिक यांचा विरोध करण्यात येत होता. तर आता नवाब मलिक हे अपक्ष निवडणूक लढवणार असल्याची माहिती सूत्रांकडून मिळत आहे.