Zika Virus Video: झिका व्हायरस म्हणजे काय आणि तो कसा पसरतो?

पुण्यात झिका व्हायरसचा धोका मोठ्या प्रमाणात वाढताना दिसतोय. एकीकडे पावसाला सुरूवात झालीये. अशातच दुसरीकडे अनेक आजार डोकं वर काढताना दिसत आहेत. पुण्यात झिका व्हायरसचे दोन रुग्ण आढळून आले आहेत. या व्हायरसचा धोका गरोदर महिलांना असल्याचं आरोग्य अधिकाऱ्यांकडून सांगण्यात येत आहे. यावेळी पुण्यातील प्रसिद्ध डॉ. रणजीत निकम यांनी नागरिकांनी घाबरून न जाता काळजी कशी घ्यावी? याबाबत सांगितलंय. हा व्हायरस एका डासापासून उद्भवणारा संक्रमित रोग असून पावसाळ्यात त्याचं संक्रमण अधिक असतं. लहान मुलांनी तसेच गर्भवती स्त्रियांनी या रोगापासून वाचण्यासाठी विशेष काळजी घ्यावी. तसंच संध्याकाळ झाल्यानंतर फुल स्लीव्ह असलेले कपडे घालावे आणि पावसाचे पाणी कुठेही साठणार नाही, याची काळजी घ्यावी. याबाबत निकम यांनी माहिती दिली.