Suraj Chavan : विजय घाडगे मारहाण प्रकरणी मोठी अपडेट; सुरज चव्हाण यांना अटक होणार ? | VIDEO

विजय घाडगे यांच्यावर झालेल्या मारहाण प्रकरणात युवानेते सुरज चव्हाण हे अडचणीत सापडले आहेत. लातूरच्या विवेकानंद पोलीस ठाण्यात सुरज चव्हाण आणि इतर १२ जणांविरोधात गंभीर स्वरूपाचा गुन्हा दाखल करण्यात आला आहे.या प्रकरणानंतर शहरात खळबळ उडली असून, पोलिसांनी तातडिने तपास सुरु केला आहे.

आरोपींच्या शोधासाठी दोनं विशेष पथक तयार करुन वेगवेगळ्या ठिकाणी रवाना करण्यात आली आहेत. सुरज चव्हाण यांच्यावर अटकेची टांगती तलवार लटकत असून, लवकरच त्यांच्यावर कारवाई होण्याची शक्यता वर्तवली जात आहे.दरम्यान, या मारहाण प्रकरणामागचं नेमकं कारण काय, याचा शोध पोलिसांकडून घेतला जात आहे. लातूरमधील या घटनेमुळे राजकीय वर्तुळातही मोठी चर्चा सुरू झाली असून, प्रशासनाकडून कायदा व सुव्यवस्था राखण्यासाठी सतर्कतेने पावलं उचलली जात आहेत.