Jalna News Update : परभणी प्रकरणावरून जालन्यातील आंबेडकरी संघटना आक्रमक

परभणी येथील डॉ. बाबासाहेब आंबेडकर यांच्या पुतळ्यासमोरील संविधानाच्या प्रतिकृतीची विटंबना करण्यात आल्याची घटना घडली होती. यात आंबेडकरी समर्थकांनी आंदोलन सुरू केल्यावर या आंदोलनाला हिंसक वळण लागलं यावेळी पोलिसांनी काही आंबेडकरी समर्थक कार्यकर्त्यांना तब्यात घेतलं होतं. यावेळी पोलिसांच्या कस्टडीत असलेल्या सोमनाथ सूर्यवंशी या कार्यकर्त्याचा मृत्यू झाला आहे. या घटनेनंतर आता या प्रकरणी राज्यात सगळीकडे आंबेडकरी समर्थक संस्था एकत्र येऊन आंदोलन करताना दिसत आहे. याच अनुषंगाने आज बीड आणि नांदेडमध्ये बंदची हाक देण्यात आली होती. त्याचे पडसाद आज सगळीकडे उमटताना दिसत आहे. जालना जिल्ह्यात देखील आज आंबेडकरी संघटनांनी एकत्र येऊन प्रशासनाच्या विरोधात रास्तारोको केले आहे. यावेळी परभणीच्या पोलीस प्रशासनावर कारवाईची मागणी करत सोमनाथ सूर्यवंशी यांच्या कुटुंबाला आर्थिक मदत सरकारने करावी अशी मागणी सर्व आंबेडकरी संघटनांकडून करण्यात आली आहे.