Somnath Suryawanshi Death: सोमनाथ सुर्यवंशींचं पार्थिव परभणीत पोहोचलं|VIDEO

आंबेडकरी अनुयायी आंदोलक मयत सोमनाथ सूर्यवंशी यांचं पार्थिव परभणीत आणण्यात आलं आहे. थोड्याच वेळात त्यांच्यावर अंतिमसंस्कार करण्यात येणार आहेत.

परभणीत गेल्या आठवड्यात संविधानाची विटंबना करण्यात आली होती. त्यानंतर आंबेडकरी अनुयायांनी आंदोलन केलं होतं. या आंदोलनाला हिंसक वळण लागल्यानंतर पोलिसांनी काही आंदोलकांना तब्यात घेतलं होतं. यात सोमनाथ सूर्यवंशी यांना देखील पोलिसांनी तब्यात घेतलं होतं. यावेळी न्यायालयीन कोठडीत यांचा मृत्यू झाला. हृदयविकाराच्या झटक्याने त्यांचा मृत्यू झाल्याचं पोलिसांकडून सांगण्यात येत असलं तरी आंबेडकरी अनुयायांनी याबद्दल पोलिसांच्या करवाईवर शंका उपस्थित केली आहे. त्यानंतर आज दिवसभरात अनेक ठिकाणी महाराष्ट्र बंदची हाक देण्यात आली आहे. सांभाजीनगरच्या घाटी रुग्णालयातून सकाळी सोमनाथ सूर्यवंशी यांचा मृतदेह परभणी येथे अंतिमसंस्कारासाठी रवाना झाला. आता त्यांचं पार्थिव परभणीत दाखल झालं असून त्यांच्यावर काही वेळातच अंत्यसंस्कार करण्यात येणार आहे. याठिकाणी मोठ्याप्रमाणात आंबेडकर समर्थक अनुयायी जमा झाले असल्याचं बघायला मिळत आहे.