Maharashtra Elections : महाविकास आघाडीत बिघाडी? ६ जागांवर ठाकरे गटाचा दावा

विधानसभा निवडणूक होऊ घातलेली आहे. दिवाळीपूर्वीच जागावाटपांवरून सत्ताधारी पक्ष आणि विरोधी पक्ष यांच्यात आपांपसात फटाके फुटण्यास सुरुवात झाल्याची चिन्हे दिसताहेत. महाविकास आघाडीत काही जागांवरून तिढा असल्याचे सांगितले जात असून, त्याला आता दुजोरा मिळाला आहे. कोल्हापुरातील सहा जागांवरून महाविकास आघाडीमध्ये तिढा निर्माण होण्याची शक्यता व्यक्त केली जात आहे. या सहा जागांवर शिवसेना उद्धव बाळासाहेब ठाकरे पक्षाने दावा केला आहे. राधानगरी, शिरोळ, शाहुवाडी, कोल्हापूर उत्तर, हातकणंगले, चंदगड हे सहा मतदारसंघ ठाकरे गटाला हवे आहेत. या मतदारसंघांवर आमच्या पक्षाचा हक्क आहे. तो हक्क मिळावा, अशी मागणी आमचे नेते करत आहेत, असं ज्येष्ठ नेते विनायक राऊत यांनी केली आहे. कोल्हापूर ही शिवसेनेची जागा होती. अमरावती, रामटेक मतदारसंघही शिवसेनेचा होता. तो मागच्या निवडणुकीत काँग्रेसला दिला. विधानसभा निवडणुकीतही तशा प्रकारचे अपवादा‍त्मक बदल करण्यास काही हरकत नाही, असेही मत विनायक राऊत यांनी व्यक्त केले.