Sharad Pawar News : शेकापच्या जयंत पाटलांचा पराभव, शरद पवारांची उद्धव ठाकरेंवर नाराजी?

विधानपरिषदेच्या निवडणुकीत ठाकरेंनी ऐनवेळी उमेदवार दिल्यामुळे मविआच्या जयंत पाटलांचा पराभव झाल्याची चर्चा रंगलीय. याच चर्चेला पवारांच्या विधानामुळे पुष्टी मिळालीय. तसंच पवारांनी दिलेली रणनीती मविआनं का अंमलात आणली नाही आणि गणित कुठं फसलं? विधानसभेत संख्याबळ नसतानाही सातत्याने विधानपरिषद जिंकण्याचा करिष्मा करणाऱ्या जयंत पाटलांना यंदा मात्र पराभवाचा धक्का बसला. मात्र जयंत पाटलांच्या पराभवासाठी शरद पवारांनी उद्धव ठाकरे आणि काँग्रेसला जबाबदार धरलंय. कारण लोकसभा निवडणुकीत छोट्या पक्षांना जागा न सोडल्यामुळे विधानपरिषदेत संधी देण्याचं आश्वासन देण्यात मविआनं दिलं होतं असा दावा पवारांनी केलाय. त्यामुऴेच आपण शेकापच्या जयंत पाटलांना पाठिंबा दिल्याचं त्यांनी सांगितलं. मात्र या रणनीतीतही मतभिन्नता होती अशी कबुली पवारांनी दिली.