Samruddhi Expressway : इंटरचेंज रस्ता पाण्याखाली, समृद्धी महामार्ग जलमय | VIDEO

बुलढाणा जिल्ह्यातील मेहेकर तालुक्यात मुसळधार पावसाचा फटका समृद्धी महामार्गाला बसला आहे.मेहेकर येथील इंटरचेंज टोल नाक्यावर जाण्यासाठी रस्ता पाण्याखाली गेला असून त्याला नदीचे स्वरूप आले आहे.गेल्या तीन तासांपासून हा रस्ता सततच्या पावसामुळे पाण्याखाली असून, त्यामुळे समृद्धी महामार्गावर चढणे आणि उतरणे अशक्य झाले आहे. परिसरात वाहनांच्या रांगा लागल्या असून, वाहतूक पूर्णपणे ठप्प झाली आहे.

समृद्धी महामार्गावर चढण्यासाठी आणि उतरण्यासाठी हा इंटरचेंज रस्ता अत्यंत महत्त्वाचा असताना, त्यावर पाणी साचल्यामुळे वाहनचालकांमध्ये संभ्रमाचे वातावरण निर्माण झाले आहे.मेहेकर तालुक्यात मुसळधार पावसामुळे अनेक भाग जलमय झाले असून, रस्ते वाहतुकीसाठी धोकादायक बनले आहेत. पावसाचे हे थैमान थांबण्याचे कोणतेही संकेत नसल्याने नागरिकांनी अत्यावश्यक नसल्यास प्रवास टाळावा, असे आवाहन स्थानिक प्रशासनाने केले आहे.