Saam Maha Exit Poll: शिर्डी नगरपालिकेत कुणाची सत्ता येणार? संभाव्य नगराध्यक्ष कोण? पाहा Exit Poll

अहिल्यानगर जिल्ह्यातील शिर्डी नगरपालिकेमध्ये भाजपच्या उमेदवार जयश्री थोरात या संभाव्य नगराध्यक्ष होणार असल्याचे बोलले जात आहे. शिर्डीमध्ये भाजपचे १४ ते १५ नगरसेवक निवडून येऊ शकतात. शिर्डीमध्ये भाजपची सत्ता येऊ शकते. शिर्डी नगरपरिषदेत चौरंगी लढत पाहायला मिळत आहे.

भाजप- महायुती, काँग्रेस, ठाकरेंची शिवसेना आणि स्थानिक विकास आघाडी हे चार पक्ष निवडणुकीच्या रिंगणात आहेत. भाजपकडून जयश्री थोरात निवडणुकीच्या रिंगणात असून त्याच या मतदारसंघात नगराध्यक्ष होण्याची शक्यता वर्तवली जात आहे. शिर्डी राधाकृष्ण विखे -पाटील यांचा बालेकिल्ला मानला जातो. त्यामुळे या मतदारसंघात भाजपचे पारडे जड दिसत आहे.