Pune Police News: पुणे पोलिसांकडून तोतया पोलिसाला अटक!

Pune Police News: पुण्यातून एक मोठी बातमी हाती येतीये. पुण्यात बोगस पोलिसाला अटक करण्यात आलीये. खाकी वर्दी घालून पोलिस असल्याची बतावणी करत तरुणांना मारहाण करण्यात आली पण हा पोलिसच मुळात बोगस पोलिस होता. पुणे पोलिसांकडून नागरिकांना सजग आणि सावधान राहण्याचा इशारा देण्यात आलाय. सुशांत पारटे असं या तरुणाचं नाव असून तो मूळचा महाडचा राहणारा आहे. त्याला फरासखाना पोलिसांनी अटक केलीये. मिळालेल्या माहितीनुसार, सुशांत हा भारत विरुद्ध दक्षिण आफ्रिका सामना संपल्यानंतर पुण्यातील अलका टॉकीज चौकात पोलिसांची वर्दी घालून आला होता. पोलीस असल्याचे सांगत त्याने जल्लोष करणाऱ्या अनेकांना त्याने धमकावलं आणि मारहाण सुद्धा केली. मात्र यातील काही तरुणांना तो पोलीस नसल्याचे समजताच त्यांनी कंट्रोल रूमला फोन केला आणि तात्काळ त्या ठिकाणी पोलिसांनी येऊन त्याला विचारणा केली. तो तोतया पोलीस असल्याचं निष्पन्न झालं. या घटनेचा व्हिडिओ सोशल मीडियावर व्हायरल झाला आहे.