Dindori News : बनावट नोटांच्या छापखान्यावर कारवाई | VIDEO

नाशिकच्या दिंडोरीमध्ये बनावट नोटांचा छापखाना उद्ध्वस्त करण्यात आला आहे. दिंडोरीमधील लॉजवर हा छापखाना सुरू होता. येथून पोलीसांनी प्रिंटर, कागद आणि मोबाईल जप्त केले आहेत. तसंच २० हजार ७०० रुपयांच्या मुद्देमालासह तिघांना अटक करण्यात आली आहे.

नाशिक जिल्ह्यातील दिंडोरीत बनावट नोटांचा छापखाना सुरू असल्याची माहिती पोलिसांना मिळाली होती. त्यानंतर पोलिसांनी एक लॉजवर छापा मारला. या लॉजमध्ये या बनावट नोट तयार केल्या जात असल्याचं यावेळी पोलिसांना आढळून आलं. या ठिकानहून पोलिसांनी प्रिंटर, कागद आणि मोबाईलसह इतर साहित्य जप्त केला असून २० हजार ७०० रुपयांच्या बनावट नोटा देखील जप्त केल्या आहेत. या प्रकरणी पोलिसांनी तिघांना अटक केली आहे. पुढील तपास दिंडोरी पोलिस करत आहेत.