Video: लंके विरुद्ध विखे समर्थक आमनेसामने, पारनेरमध्ये राडा! गाडीही फोडली

अहमदनगर : लोकसभा निवडणुकीनंतर पारनेर मध्ये राडा झाला. विखे लंके समर्थक आमने सामने आले होते. खासदार निलेश लंके यांच्या स्विय सहाय्यक राहुल झावरे यांच्यावर प्राण घातक हल्ला करण्यात आला. त्यामुळे एकच खळबळ उडाली. सुजय विखे समर्थक विजय औटी सह आठ ते नऊ जणांनी केला हल्ला केल्याची माहिती समोर आली आहे. या हल्ल्यात राहुल झावरे यांची गाडी फोडून त्यांना मारहाण करण्यात आली. या मारहाणातील झावरे यांना किरकोळ जखम झाल्याचं कळतंय. त्यांना उपचारासाठी जवळच्या वैद्यकीय केंद्रात दाखल केले गेले आहे. दरम्यान, ही घटना समोर आल्यानंतर पोलिसांनीही तातडीने खबरदारीची पावलं उचलत पोलिस बंदोबस्तात वाढ केली आहे.