Mumbai Metro News | अवकाळी पावसाचा मेट्रोलाही फटका, अंधेरीहून निघालेली मेट्रो रखडली

मुंबई : मुंबईत वादळी वाऱ्यासह अवकाळी पावसाने (Unseasonal Rain) हजेरी लावली आहे. या पावसाचा मुंबईच्या मेट्रोलाही (Mumbai Metro) फटका बसला आहे. मेट्रो मार्गात बॅनर कोसळल्याने मेट्रोची वाहतूक ठप्प झाली आहे. मेट्रोची वाहतूक बंद झाल्याने मेट्रो स्थानकावर प्रवाशांची एकच गर्दी झाली आहे. अंधेरीहून घाटकोपरला जाणारी ही वाहतूक ठप्प झाल्याने प्रवाशांचा खोळंबा झाला आहे. फक्त मेट्रोच नाही तर अवकाळी पावसाचा मध्य रेल्वेलाही फटका बसला आहे. या पावसामुळे मध्य रेल्वेची वाहतूक विस्कळीत झाली आहे.