Mumbai News : परभणी प्रकरणाच्या निषेधार्थ मुंबईतील कार्यकर्ते आक्रमक |VIDEO

परभणीमध्ये झालेल्या घटनेच्या निषेधार्थ आता मुंबईच्या चेंबुर भागात देखील आंबेडकरी अनुयायांकडून आंदोलन सुरू करण्यात आलं आहे. आज सकाळपासूनच नांदेड आणि बीड बंदची हाक देण्यात आली होती. आता परभणी घटनेचं लोण हळूहळू महाराष्ट्रात सगळीकडे पसरताना दिसत आहे.

परभणी हिंसाचाराच्या घटनेनंतर एका कार्यकर्त्याचा मृत्यू झाला आहे. याच घटनेचा निषेध आंबेडकरी अनुयायांकडून आज संपूर्ण महाराष्ट्रात करण्यात येत आहे. त्याच अनुषंगाने मुंबईच्या चेंबुर परिसरात देखील आता रास्तारोको आंदोलन करण्यास सुरुवात झाली आहे. सोमनाथ सूर्यवंशी यांचा पोलिस कोठडीत असताना मृत्यू झाला आहे. याला पोलिस प्रशासन जबाबदार असल्याचा आरोप आंदोलकांकडून करण्यात येत आहे. मयत सूर्यवंशी यांच्या कुटुंबास आर्थिक मदत आणि सरकारी नोकरी द्यावी अशी मागणी आंबेडकरी अनुयायांनी केली आहे.