Mumbai BEST Buses : मुंबईकरांना दिलासा; बेस्टची सेवा पूर्ववत

दिवाळी बोनस न दिल्याने मुंबईतील बेस्टच्या कर्मचाऱ्यांनी आज संपावर जाण्याचा इशारा दिला होता. मात्र आज बेस्ट कर्मचारी कामावर आल्याने मुंबईकरांना मोठा दिलासा मिळाला आहे.

एन दिवाळीत बेस्ट कर्मचाऱ्यांनी रविवारी बेमुदत संपाचा इशारा दिला होता. दिवाळी बोनस आणि कोविडचा भत्ता न मिळाल्याने, त्याचबरोबर इतर मागण्यांसाठी बेस्टच्या कर्मचाऱ्यांनी हा संप पुकारला होता. दरवर्षी दिवाळी सुरू होण्यापूर्वीच बेस्टच्या कर्मचाऱ्यांना बोनस दिला जातो. मात्र यंदा आता दिवाळी संपत आली तरीही बोनस न मिळाल्याने बेस्ट कर्मचाऱ्यांनी आक्रमक पवित्रा घेतला होता. मात्र बेस्ट प्रशासनाने काल याबाबत पत्रक काढून कोणीही सुट्टी शिवाय किंवा योग्य कारणाशिवाय गैरहजर राहू नये असं सांगितलं होतं. त्यानंतर आज बेस्टचे कर्मचारी कामावर हजर झाल्याने मुंबई बेस्टची सेवा पूर्ववत सुरू झाली आहे. त्यामुळे मुंबईकरांना मोठा दिलासा मिळाला आहे.

Edited By Rakhi Rajput