VIDEO : 'त्यांनी सोनं लुटणाऱ्यांचं समर्थन केलं..'; राऊतांची राज ठाकरेंवर घणाघाती टीका

लोकसभेत ते सोनं लुटणाऱ्यांच्या मागे उभे होते अशी टीका खासदार संजय राऊत यांनी मनसे अध्यक्ष राज ठाकरे यांच्यावर केली आहे. ''सोनं लुटून नेलं जात आहे आणि आपण मात्र आपट्याची पानं वाटत आहे.'' असं विधान राज ठाकरे यांनी केलं होतं. त्यावर संजय राऊत यांनी टीका केली आहे.

''दसऱ्या निमित्त राज ठाकरे यांनी केलेल्या भाषणात त्यांनी,''दसरा म्हंटलं की आपण सोनं लुटतो आणि आपट्याची पानं वाटून एकमेकांना शुभेच्छा देतो. पण महाराष्ट्राचं सोनं गेली अनेक वर्ष लुटलं जातं आहे. आपण मात्र आपट्याची पानं वाटत आहे. आपल्या हातात आपट्याची पानं सोडून दुसरं काहीच नाही. बाकीचे लुटून नेट असलेल्या सोन्याकडे आपलं दुर्लक्ष आहे. आम्ही जातीपातीत मश्गुल आहे.'' असं वक्तव्य केलं आहे. त्यावर उद्धव ठाकरे यांच्या शिवसेनेचे खासदार संजय राऊत यांनी जोरदार टीका केली आहे. '' ते अगदी बरोबर बोलत आहे. महाराष्ट्र लुटण्याचं काम सुरू आहे. मात्र लोकसभेत याच सोनं लुटणाऱ्यांच्या मागे हे उभे होते. राज्याची लूट मोदी आणि शहा करत आहेत. ते देशाचे नाही व्यापार मंडळाचे नेते आहेत आणि राज ठाकरे यांनी लोकसभेत या लुटारूंच्या पाठीशी उभं राहून या लुटीला समर्थन दिलं आहे.'' अशी घणाघाती टीका राऊत यांनी केली आहे.