Mumbai Breaking : मुंबई पुन्हा दहशतवाद्यांच्या रडारवर ? केंद्रीय गुप्तचर विभागाकडून मोठा खुलासा

मुंबईला दहशतवाद्यांचा हल्ला असल्याची माहिती समोर आली आहे. मुंबई दहशतवाद्यांच्या निशाण्यावर असल्याची माहिती केंद्रीय गुप्तचर विभागाकडून मुंबई पोलिसांना दिली आहे. त्यामुळे मुंबई पोलीस सतर्क झाले असून शहरात गस्त वाढवण्यात आली आहे.

हायअलर्टनंतर मुंबईतील गर्दीचे ठिकाण असतील किंवा मग धार्मिक स्थळ असतील, या ठिकाणी मुंबई पोलिसांनी गस्त वाढवली आहे. प्रत्येक धार्मिक स्थळावर मुंबई पोलिसांची करडी नजर आहे. मुंबईमध्ये पोलिसांचा अतिरिक्त फौजफाटा तैणात करण्यात आलाय. शहरातील प्रत्येक बारीक हालचालीवरती पोलीस लक्ष ठेवून आहेत. गर्दीची ठिकाणं आणि धार्मिक स्थळांवर मुंबई पोलिसांकडून करडी नजर ठेवली जात आहे. गर्दीच्या ठिकाणी गस्त वाढवण्यात आली आहे. मुंबईतील प्रसिद्ध सिद्धिविनायक मंदिराबाहेरदेखील पोलिसांनी मोठा बंदोबस्त लावला आहे. त्याशिवाय काही महत्त्वाच्या सूचनाही देण्यात आल्या आहेत, अशी माहिती सिद्धिविनायक न्यासाचे सदा सर्वणकर यांनी दिली.