Recruitment News: गेल्या दोन वर्षात किती जागा भरल्या? सरकारने प्रशासनाकडे मागितली माहिती

२०२२ साली भारताला स्वातंत्र्य मिळून ७५ वर्ष पूर्ण झाली होती. त्यानिमित्ताने राज्य सरकार ७५ हजार नोकरभरती करणार होती. पण दोन वर्ष झाली तरी ही नोकरभरती झालीच नाही. याची अंमलबजावणी झाली नाही म्हणून महायुतीला लोकसभा निवडणुकीत फटका बसल्याची चर्चा आहे. त्यामुळे राज्य सरकारने प्रशासनाकडे किती जागा भरल्या याचा अहवाल मागितला आहे. ज्या विभागाने या जागा भरण्यात हलगर्जीपणा केला असेल त्यांच्यावर कारवाई होणार आहे. ऑगस्ट २०२३ ते मे २०२४ पर्यंत किती जागा भरल्या अशी माहिती सरकारने प्रशासनाकडे मागितली आहे.