Navi Mumbai Election : नवी मुंबईत भाजप आणि शिंदेंची शिवसेना स्वतंत्रपणे महापालिका निवडणूक लढत आहे. नवी मुंबई महापालिकेची निवडणूक भाजप विरुद्ध शिंदेसेना अशीच सुरू आहे. गणेश नाईकांकडून सातत्याने एकनाथ शिंदेंना लक्ष्य केले जात असल्याचे दिसते. एकनाथ शिंदेंच्या टांगा पलटी, घोडे फरारच्या टीकेला गणेश नाईकांनी तुमचाच टांगा पलटी करू, असं आव्हान दिलं होतं. त्यानंतर अनेकदा प्रचारसभांमध्ये गणेश नाईकांनी थेट एकनाथ शिंदेंवर टीकेचा बाण सोडून घायाळ करण्याचा प्रयत्न केला आहे. त्यात प्रसारमाध्यमांनी गणेश नाईकांकडून सातत्याने एकनाथ शिंदेंवर टीका केली जात असल्याकडे लक्ष वेधले असता, एकनाथ शिंदेंचे पुत्र आणि खासदार श्रीकांत शिंदे यांनी नाव न घेता वयानुसार प्रॉब्लेम होतो, असा टोला लगावला होता. या टोल्यानंतर गणेश नाईकांनी श्रीकांत शिंदेंना थेट आव्हान दिले आहे. माझ्या वयाबद्दल बोलण्यापेक्षा तुमच्या वडिलांना माझ्यासोबत नॉनस्टॉप चालायला सांग, मी हरलो तर राजकारण सोडून देईन, असं प्रतिआव्हान गणेश नाईक यांनी दिलं.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.