Video : नाशिकमध्ये पूरस्थिती, गोदावरीत विसर्ग वाढला

नाशिकमध्ये आज सकाळपासून गोदावरी नदी परिसरात पूर परिस्थिती उद्भवली आहे. गंगापूर धरणातून गोदावरी नदी पात्रात पाण्याचा विसर्ग सुरू करण्यात आल्याने नाशिकमध्ये गोदावरीच्या पाणी पातळीत मोठ्या प्रमाणात वाढ झाली आहे. रामकुंड आणि गोदा घाटाच्या परिसरातील अनेक मंदिरांना गोदावरीच्या पाण्याचा वेढा पडलाय. तर गोदाघाट परिसरामधील काही पूल पाण्याखाली गेलेत. दुपारनंतर गंगापूर धरणातून पाण्याचा विसर्ग आणखी वाढवण्यात येणार असल्यामुळे नाशिकमध्ये गोदावरीला पूर येण्याची शक्यता आहे. या पार्श्वभूमीवर प्रशासनाने नागरिकांना सतर्कतेचा इशारा दिला आहे.