Commercial Gas : गॅस सिलेंडरच्या किंमतीत मोठी घट, पाहा तुमच्या शहरातल्या किंमती | Video

गॅस सिलेंडरच्या दरात कपात करण्यात आलेली असल्याने व्यवसायिकांना मोठा दिलासा मिळणार आहे. देशाची राजधानी दिल्लीत व्यावसायिक गॅसची किंमत ७ रुपयांनी कमी झाली आहे. तर मुंबई आणि चेन्नईमध्ये व्यावसायिक गॅस सिलेंडरच्या किंमतीत ६ रुपये ५० पैशांची कपात करण्यात आली आहे. सलग दुसऱ्या महिन्यात गॅस सिलेंडरच्या किमती कमी झालेल्या आहे. त्यामुळे २ महिन्यात व्यावसायिक सिलेंडर २० रुपयांनी स्वस्त झालेले आहेत. घरगुती गॅस सिलेंडरच्या किंमतीत मात्र कोणताही बदल झालेला नाही.

दिल्लीत आता व्यावसायिक गॅस सिलेंडर (१९ किलोचा) १ हजार ७९७ रुपयांना मिळणार आहे. तर कोलकाता शहरात ४ रुपयांची कपात झाली असून, तेथे व्यावसायिक गॅस सिलिंडर १ हजार ९०७ रुपयांना मिळेल. मुंबई आणि चेन्नई या शहरांत व्यावसायिक गॅस सिलिंडरच्या दरात ६ रुपये ५० पैशांची घट झाली आहे. त्यामुळे मुंबईत १ हजार ७४९.५० रुपये आणि चेन्नईत १ हजार ९५९.५० रुपयांना व्यावसायिक गॅस सिलिंडर मिळणार आहे.