VIDEO : पाठलाग करून तरुणावर चॉपरने हल्ला; थरार सीसीटीव्हीत कैद

कल्याण पश्चिम वसंत व्हॅली रोडवर धक्कादायक घटना घडली आहे. चॉपर हातात घेऊन एका तरुणाचा पाठलाग करून हल्ला करण्यात आला आहे. हा सर्व थरार सीसीटीव्हीत कैद झाला आहे. या हल्ल्यात सत्कार भोईर नावाचा तरुण जखमी झाल्याची माहिती आहे. तर हल्लेखोर आर्यन पाटील असे हल्लेखोराचे नाव आहे.

कल्याण पश्चिम वसंत व्हॅली रोडवर चॉपरने एका तरुणाला जखमी करण्यात आलं आहे. आधी या तरुणाचा पाठलाग करण्यात आला, नंतर त्याच्यावर हल्ला करण्यात आला. हा सर्व प्रकार परिसरातल्या सीसीटीव्ही कॅमेरामध्ये कैद झाला आहे. गाडीने धडक दिल्याने झालेल्या अपघातात जखमी मुलींना उपचारासाठी सत्कार भोईर या तरुणाने नेले होते. तसेच अपघात करणाऱ्या गाडी चालकाचे नाव सांगितल्याच्या रागातून हा हल्ला करण्यात आल्याची प्राथमिक माहिती आहे. याप्रकरणी खडकपाडा पोलीस ठाण्यात हल्लेखोर आर्यन पाटील सह त्याच्या तिने ते चार साथीदारांविरोधात गुन्हा दाखल दाखल करण्यात आला आहे. दरम्यान, या हल्ल्यानंतर हल्लेखोरांनी तेथून पळ काढला असून त्यांचा शोध सुरू आहे.