China Drone : चीनने बनवला मच्छरच्या आकाराचा ड्रोन | VIDEO

तंत्रज्ञानाच्या क्षेत्रात आघाडी घेत चीनने आता अत्यंत सुक्ष्म आणि चकवा देणारा मच्छराच्या आकाराचा ड्रोन विकसित केला आहे. लष्करी हेरगिरी आणि गुप्त ऑपरेशन्ससाठी उपयुक्त ठरणारा हा ड्रोन चीनच्या हुनान प्रांतातील नॅशनल यूनिव्हर्सिटी ऑफ डिफेन्स टेक्नोलॉजी येथे तयार करण्यात आला आहे.

या ड्रोनचा आकार मच्छरासारखा असून तो अगदी लहान व हलकासा आहे. ड्रोनची लांबी सुमारे १.३ सेंटीमीटर इतकी आहे. दोन लहान पानांसारखे पंख आणि तीन पातळ पाय शत्रूंना सहजपणे चकवा देण्यासाठी या ड्रोनचा वापर करता येईल. त्यामुळे कोणत्याही संशयाशिवाय तो शत्रुच्या हद्दित प्रवेश करु शकतो. हा सूक्ष्म ड्रोन शत्रूच्या हालचाली टिपणं, माहिती गोळा करणं आणि विशिष्ट ठिकाणी लक्ष केंद्रित करणं या उद्देशाने बनवण्यात आला आहे.

लष्करी क्षेत्रात यामुळे क्रांतिकारी बदल होण्याची शक्यता वर्तवली जात असून, भविष्यातील युद्धातील गुप्त ऑपरेशन्ससाठी हे तंत्रज्ञान निर्णायक ठरू शकते. या प्रोटोटाइपवर अजूनही काही चाचण्या सुरू आहेत.