Pune Accident CCTV : पुण्यातील भयंकर अपघाताचा आणखी एक VIDEO, आलीशान कारचा वेग बघून काळजात भरेल धडकी

पुण्यातील भयंकर अपघाताचा आणखी एक व्हिडिओ समोर आला आहे. भरधाव आलीशान कारने दुचाकीला धडक दिली. त्यात दोघांना जीव गमवावा लागला होता. रविवारी मध्यरात्री कल्याणीनगरात हा भयंकर अपघात घडला होता. ही घटना तिथल्याच एका सीसीटीव्ही कॅमेऱ्यात कैद झाली होती. या भयंकर अपघाताच्या घटनेचे सीसीटीव्ही फुटेज समोर आले आहेत.

हा भयंकर व्हिडिओ बघून काळजात धडकी भरेल. एक आलीशान कार अनियंत्रित झालेली दिसत आहे. वेग इतका की डोळ्यांच्या पापण्या लवण्याआधीच ती दिसेनाशी झालीय. या कारने दुचाकीला धडक दिल्यानंतर रस्त्याच्या कडेला उभे असलेले काही लोक घटनास्थळाच्या दिशेने धाव घेताना दिसत आहेत.