Chh.Sambhajinagar News : ज्ञानेश महारावांच्या विरोधात भाजपचे आंदोलन

भाजपने छत्रपती संभाजीनगरमध्ये क्रांती चौक परिसरात ज्येष्ठ लेखक ज्ञानेश महाराव यांच्याविरोधात निषेध आंदोलन सुरू केलं आहे. समर्थ रामदासांबद्दल आक्षेपहार्य वक्तव्य केल्याने भाजपने त्यांच्या विरोधात आंदोलन छेडले आहे.

शरद पवार यांच्या उपस्थितीत ज्ञानेश महाराव यांनी श्री राम आणि समर्थ रामदासांबद्दल आक्षेपहार्य वक्तव्य केलं होतं, असा आरोप यावेळी भाजपच्या नेत्यांनी केला आहे. लेखक ज्ञानेश महाराव यांच्यावर या प्रकरणी धार्मिक भावना दुखावल्याबद्दल कोल्हापुरात गुन्हाही दाखल करण्यात आला आहे. यावेळी शरद पवार यांच्या उपस्थितीत हे अपशब्द महाराव यांनी वापरल्याने शरद पवार यांच्या विरोधात देखील घोषणाबाजी करण्यात आली. यावेळी भाजप नेत्यांसह कार्यकर्ते मोठ्या संख्येने उपस्थित होते.