ZP Election 2026: मोठी बातमी! ४८ तासांत जिल्हा परिषदांच्या निवडणुका लागणार?

स्थानिक स्वराज्य संस्थांच्या निवडणुकीबाबत मोठी अपडेट समोर आली आहे. येत्या ४८ तासांत जिल्हा परिषदाच्या निवडणुका लागण्याची शक्यता आहे. पहिल्या टप्प्यात १३ जिल्हा परिषदाच्या निवडणुका होणार आहेत. ५० टक्केच्या आरक्षणचा वाद अजूनही कायम असल्यामुळे पहिल्या टप्प्याच १३ जिल्हा परिषदाच्या निवडणुका होणार असल्याची माहिती समोर आली आहे. त्यामुळे पालिका निवडणुकीनंतर लवकरच जिल्हा परिषद निवडणुकांचा धुरळा उडणार आहे.

३२ जिल्हा परिषद आणि ३३६ पंचायत समितीच्या निवडणुका होणार आहे. त्यापैकी १७ जिल्हा परिषद आणि ८७ पंचायत समित्यांनी ५० टक्केपेक्षा आरक्षणाची मर्यादा ओलांडली आहे. त्यामुळे पहिल्या टप्प्यात १३ जिल्हा परिषद निवडणुका होणार आहेत. त्यानंतर दुसऱ्या टप्प्यात आरक्षणाची मर्यादा ओलांडल्या जिल्हा परिषद आणि पंचायत समित्यांच्या निवडणुका होण्याची शक्यता वर्तवली जात आहे.