Kapil Patil News : भाजप उमेदवार कपिल पाटील यांच्या अडचणी वाढणार? भिवंडीत गुन्हा दाखल

Kapil Patil : भाजपचे भिवंडी लोकसभा मतदारसंघाचे उमेदवार कपिल पाटील यांच्याविरोधात पोलिसांत गुन्हा नोंदवण्यात आला आहे.

भिवंडी लोकसभा मतदारसंघाचे भाजप उमेदवार कपिल पाटील यांच्या अडचणी वाढण्याची शक्यता आहे. केंद्रीय मंत्री असलेले कपिल पाटील यांच्याविरोधात गुन्हा दाखल झाला आहे. भिवंडी पोलीस ठाण्यात त्यांच्याविरोधात हा गुन्हा नोंदवण्यात आला आहे.

मतदानाच्या दिवशी कपिल पाटील यांनी मतदान केंद्राच्या परिसरात होणाऱ्या गर्दीवर प्रश्न उपस्थित केले होते. यावरून ते आक्रमक झाले होते. त्याचा एक व्हिडिओ सोशल मीडियावर व्हायरल झाला होता. त्यात कपिल पाटील हे पोलीस कर्मचारी आणि अधिकाऱ्यांशी आक्षेपार्ह भाषेत बोलताना दिसत आहेत. तसा आरोपही त्यांच्यावर झाला होता. राष्ट्रवादी काँग्रेस शरदचंद्र पवार पक्षाचे आमदार रोहित पवार यांनी त्याचा व्हिडिओ एक्सवर पोस्ट केला होता. त्यानंतर कपिल पाटील यांच्याविरोधात भिवंडी पोलिसांत गुन्हा दाखल करण्यात आला आहे.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com