Bhandara Ambulance Fire News: भंडाऱ्यात धावती रुग्णवाहिका पूर्णतः जळून खाक|VIDEO

गुरुवारी रात्री नऊच्या सुमाराला एक धक्कादायक घटना घडली. रुग्णाला आणण्यासाठी निघालेल्या एका रुग्णवाहिकेला अचानक आग लागली. धावत्या गाडीतून धूर आणि आगीचे ज्वाळा उठू लागल्यावर चालक आणि सोबत असलेले डॉक्टर तातडीने बाहेर पडले, त्यामुळे मोठा अनर्थ टळला.

सुदैवाने या दुर्घटनेत कोणतीही जीवितहानी झाली नाही. मात्र रुग्णवाहिकेला आग इतकी भयानक होती की काही क्षणांतच ती पूर्णतः जळून खाक झाली. आगीचं नेमकं कारण अद्याप स्पष्ट झालेलं नाही. या घटनेमुळे परिसरात काही काळ गोंधळाची स्थिती निर्माण झाली होती. पोलिस आणि अग्निशमन दल घटनास्थळी दाखल झाल्यानंतर परिस्थिती नियंत्रणात आणण्यात आली.