Pune Festival : अजितदादा सुरेश कलमाडी यांच्या पुणे फेस्टिवलला जाणार?

उपमुख्यमंत्री अजित पवार आणि पुण्याचे माजी खासदार सुरेश कलमाडी एकाच मंचावर एकत्र येण्याची शक्यता आहे. शुक्रवारी अजित पवार यांच्या हस्ते पुणे फेस्टिवलचे उद्घाटन करण्यात येणार आहे. सुरेश कलमाडी यांनी हा फेस्टिवल सुरू केला आहे. त्याला अजित पवार यांनी कधीही हजेरी लावली नव्हती. मात्र यंदा अजितदादा सपत्नी या कार्यक्रमाला हजर राहणार आहेत. त्यामुळे माजी खासदार सुरेश कलमाडी आणि अजित पवार ही उदय एकाच मंचावर एकत्र येणार का? याकडे सगळ्यांचे लक्ष लागले आहे.

माजी खासदार सुरेश कलमाडी यांनी पुण्यात या पुणे फेस्टिवलची सुरुवात केली आहे. या कार्यक्रमाला सुरुवात झाल्यापासून अजितदादा आजपर्यंत या कार्यक्रमात गेले नव्हते. त्यामुळे यंदा पुणे फेस्टिवलचे उद्घाटन त्यांच्या हाताने होणार असल्याने सुरेश कलमाडी आणि अजित दादा एकत्र येणार अशा चर्चा रंगल्या आहेत. मात्र सुरेश कलमाडी हे प्रकृती ठीक नसल्याने या कार्यक्रमाला उपस्थित राहतील की नाही याबद्दल अद्यापही साशंकता आहे.