Toll Fare Hike News : मतदान संपताच सर्वसामान्यांना फटका, महामार्गावरील प्रवास आणखी महागला

नुकतंच लोकसभेसाठी मतदान पूर्ण झाले आहे. मतदानानंतर टोल दरात वाढ करण्यात आली आहे. तीन ते चार टक्क्यांनी ही वाढ करण्यात आली आहे. दरवर्षी टोलच्या दरात वाढ होते. यंदा एप्रिल महिन्यात ही वाढ होणार होती. परंतु लोकसभेच्या निवडणुकीमुळे ही वाढ पुढे ढकलण्यात आली. रविवारी रात्री १२ वाजल्यापासून ही दरवाढ लागूही झाली आहे. देशभरात एक हजार १०० टोल नाके आहेत. या सर्व टोलनाक्यांवर ही वाढ होणार आहे. या टोल दर वाढीचा लाभ आयआरबी आणि अशोक बिल्डकॉन कंपन्यांना होईल असे सांगितले जात आहे.