भारतीय संघाचा माजी क्रिकेटपटू विरेंद्र सेहवागचा भाऊ विनोद सेहवाग याच्या अडचणीत वाढ झाली आहे. २ वर्षांपासून सुरु असलेल्या चेक बाऊन्स प्रकरणात त्याला अटक करण्यात आली आहे.
विनोद सेहवागला चंडीगढच्या मनीमाजरा हद्दीतील पोलिसांनी ७ कोटींचा चेक बाऊंस केल्याप्रकरणी अटक केली आहे. या प्रकरणी पोलिसांनी आरोपी विनोदला न्यायालयात हजर केलं. त्यानंतर आरोपीच्या वकिलांनी जामिनासाठी याचिका दाखल केली आहे.
विनोद सेहवागच्या भावाने जामिनासाठी याचिका दाखल केली होती. मात्र ही याचिका स्विकारण्यास न्यायालयाने विरोध केला आहे. कारण या प्रकरणात अजूनही निकाल लागलेला नाही. विनोद सेहवागवर चंडीगडच्या जिल्हा न्यायालयात ७ कोटी रुपयांचा चेक बाऊन्स केल्याप्रकरणी केस सुरु आहे. याच याचिकेवर गुरुवारी सुनावणी झाली.
आरोपीच्या वकिलांनी जामिनासाठी अर्ज केला होता. मात्र आरोपीच्या जामिनावरुन पोलिसांनी युक्तीवाद केला. पोलिसांनी केलेल्या युक्तीवादानुसार, आरोपीने आधीच न्यायालयाच्या आदेशांचे उल्लंघन केले आहे. जर त्याला जामीन मंजूर केला, तर तो जामीनीच्या कालावधीस ओलांडू शकतो आणि पुन्हा तोच गुन्हा करु शकतो. न्यायालयाने अजूनही अंतिम सुनावणी केलेली नाही. या प्रकरणाची पुढील सुनावणी १० मार्चला होणार आहे.
मेसर्स जाल्टा फूड बेव्हरेजेस प्रायव्हेट लिमिटेडचे दोन संचालक आणि विनोद सेहवाग यांच्याविरोधात भारतीय दंड संहितेच्या कलम १७४ -ए अंतर्गत २०२३ मध्ये मनीमाजरा पोलिस ठाण्यात गुन्हा नोंदवण्यात आला आहे. ही एफआयआर सेक्टर १२, पंचकूला येथील रहिवासी आणि श्री नैना प्लास्टिक्स बद्दीचे मालक कृष्ण मोहन खन्ना यांच्या तक्रारीवरून नोंदवण्यात आली होती, कारण तिघांनी जारी केलेले धनादेश बँकेकडून बाऊन्स करण्यात आले होते.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.