Ram Mandir Ayodhya: विराट-अनुष्का रामलल्लाच्या दर्शनाला जाणार? राम मंदिराच्या प्राण प्रतिष्ठा सोहळ्यासाठी मिळालं आमंत्रण

Virat Kohli And Anushka Sharma Invited For Ram Mandir Pran Pratishta:

उत्तर प्रदेशातील आयोद्धा येथे राम मंदिराचा लोकार्पण (Ram Mandir Pran Pratishta) सोहळा पार पडणार आहे. या कार्यक्रमासाठी जोरदार तयारी सुरू आहे. या भव्य दिव्य अशा सोहळ्यासाठी राजकारणातील दिग्गज मंडळींसह बॉलिवूड स्टार्स आणि क्रिकेटपटू देखील हजेरी लावणार असल्याची चर्चा सुरू आहे. दरम्यान या सोहळ्यासाठी प्रसिद्ध क्रिकेटपटू विराट कोहली (Virat Kohli) आणि बॉलिवूड अभिनेत्री अनुष्का शर्मा (Anushka Sharma) देखील उपस्थित राहणार आहे.

राम मंदिराच्या प्राणप्रतिष्ठा सोहळ्यासाठी विराट कोहली आणि अनुष्का शर्मा यांनाही आमंत्रण मिळाल्याची चर्चा सुरू आहे. हे आमंत्रण त्यांना मुंबईत देण्यात आलं आहे. माध्यमातील वृत्तात असं म्हटलं गेलं होतं की, भारत आणि अफगाणिस्तान यांच्यातील इंदोर टी -२० सामना झाल्यानंतर विराट कोहली बंगळुरूला न जाता मुंबईला गेला होता. (Latest sports updates)

विराट ठरला तिसरा क्रिकेटपटू..

राम मंदिराच्या प्राण प्रतिष्ठा सोहळ्यासाठी विराट कोहलीपूर्वी माजी कर्णधार एमएस धोनी आणि मास्टर ब्लास्टर सचिन तेंडुलकरलाही आमंत्रण देण्यात आलं आहे. त्यामुळे हे आमंत्रण मिळालेला विराट कोहली तिसरा क्रिकेटपटू ठरला आहे. पंतप्रधान नरेंद्र मोदी आणि मुख्यमंत्री आदित्यनाथ योगी हे या सोहळ्याचे मुख्य आकर्षण असणार आहे.

विराट कोहली सध्या भारतीय टी -२० संघाचा भाग असून अफगाणिस्तानविरुद्ध ३ टी -२० सामन्यांची मालिका खेळण्यात व्यस्त आहे. मोहालीत झालेल्या पहिल्या सामन्यात तो वैयक्तिक कारणामुळे खेळू शकला नव्हता. आता तिसरा सामना बंगळुरूतील एम चिन्नास्वामीच्या मैदानावर रंगणार आहे. या सामन्यासाठी तो बंगळुरूला रवाना झाला आहे.