भारतीय संघाने टी -२० वर्ल्डकप २०२४ स्पर्धेतील सुपर ८ फेरीतील पहिल्या सामन्यात दमदार कामगिरी केली आहे. पहिल्या सामन्यात अफगाणिस्तानचा एकतर्फी पराभव केला आहे. हा सामना ४७ धावांनी जिंकून भारतीय संघाने सेमी फायनलचं तिकीट जवळजवळ कन्फर्म केलं आहे. इथून पुढे भारतीय संघाला आणखी २ सामने खेळायचे आहेत.
अफगाणिस्तानला नमावल्यानंतर भारतीय संघ पुढील बांगलादेश संघाचा सामना करताना दिसून येणार आहे. हा सामना २२ जून रोजी होणार आहे. बांगलादेशविरुद्ध खेळताना भारतीय संघाचा रेकॉर्ड दमदार राहिला आहे. त्यामुळे बांगलादेशला हरवणं भारतीय संघासाठी फार आव्हानात्मक नसेल. जर हा सामना जिंकला तर भारतीय संघाच्या नावे २ पैकी २ विजयाची नोंद होईल. यासह भारतीय संघ सेमीफायनलमध्ये प्रवेश करेल. त्यानंतर भारतीय संघाचा पुढील सामना २४ जून रोजी ऑस्ट्रेलियाविरुद्ध होणार आहे. या सामन्यात भारतीय संघाचा पराभव झाला तरीदेखील फारसा फरक पडणार नाही.
सुपर ८ फेरीत ८ संघ २ गटात विभागले गेले आहेत. या ८ पैकी दोन्ही गटातून प्रत्येकी २-२ संघ सेमीफायनलसाठी पात्र ठरतील. अफगाणिस्तानविरुद्धच्या लढतीत ४७ धावांनी विजय मिळवल्यानंतर भारतीय संघाच्या नेट रन रेटने गगनभरारी घेतली आहे. त्यामुळे २ पैकी १ सामना गमवला तरीदेखील भारतीय संघ सेमीफायनलसाठी पात्र ठरेल.
अफगाणिस्तानविरुद्ध झालेल्या सामन्याबद्दल बोलायचं झालं, तर सूर्यकुमार यादव आणि जसप्रीत बुमराह यांनी मोलाची भूमिका बजावली. प्रथम फलंदाजी करताना सूर्यकुमार यादवने निर्णायक ५३ धावांची खेळी केली. तर धावांचा बचाव करताना बुमराहने ३ गडी बाद केले.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.