CSK vs RR Match Result: शिष्य पडला गुरु वर भारी! राजस्थानने चेन्नईला घरच्याच मैदानावर लोळवलं, पाहा अंतिम षटकाचा थरार..

CSK VS RR IPL 2023: आयपीएल २०२३ स्पर्धेतील १६ वा सामना चेन्नई सुपर किंग्ज आणि राजस्थान रॉयल्स या दोन्ही संघांमध्ये पार पडला. या रोमांचक सामन्यात चेन्नई सुपर संघाला ३ धावांनी पराभवाचा सामना करावा लागला आहे. हा राजस्थान रॉयल्स संघाचा या हंगामातील तिसरा विजय आहे.

पहिल्या डावात राजस्थान रॉयल्सने केल्या १७५ धावा..

या सामन्यात चेन्नई सुपर किंग्ज संघाने नाणेफेक जिंकून प्रथम गोलंदाजी करण्याचा निर्णय घेतला होता. राजस्थान रॉयल्स संघाकडून प्रथम फलंदाजी करताना जोस बटलरने सर्वाधिक ५२ धावांची खेळी केली. या खेळी दरम्यान त्याने १ चौकार तर ३ षटकार मारले. तर देवदत्त पडिक्कलने आक्रमक फलंदाज ३८ धावा केल्या. (CSK vs RR Match Highlights)

या खेळी दरम्यान पडिक्कलने ५ चौकार मारले. तर आर अश्विन आणि शिमरन हेटमायरने ३० धावांची खेळी केली. या खेळीच्या जोरावर राजस्थान रॉयल्स संघाने २० षटक अखेर ८ गडी बाद १७५ धावा केल्या होत्या.( Csk beat rr by 3 runs)

डेवोन कॉनवेची आक्रमक खेळी..

चेन्नई सुपर किंग्ज संघाला हा सामना जिंकण्यासाठी १७५ धावांची गरज होती. या धावांचा पाठलाग करताना ऋतुराज गायकवाड स्वस्तात माघारी परतला. त्याला अवघ्या ८ धावा करता आल्या. तर डेवोन कॉनवे खेळपट्टीवर टिकून राहिला. त्याने राजस्थानच्या गोलंदाजांचा चांगलाच समाचार घेत ५० धावांची खेळी केली. तर शेवटी धोनीने मोलाचे योगदान दिले. मात्र तो चेन्नईला सामना जिंकून देऊ शकला नाही. (Latest sports updates)

राजस्थान रॉयल्स (प्लेइंग इलेव्हन):

यशस्वी जैस्वाल, जोस बटलर, संजू सॅमसन (विकेटकीपर), देवदत्त पडिक्कल, शिमरॉन हेटमायर, ध्रुव जुरेल, रविचंद्रन अश्विन, जेसन होल्डर, कुलदीप सेन, संदीप शर्मा, युझवेंद्र चहल.

चेन्नई सुपर किंग्ज (प्लेइंग इलेव्हन):

डेव्हॉन कॉनवे, रुतुराज गायकवाड, अजिंक्य रहाणे, मोईन अली, शिवम दुबे, रवींद्र जडेजा, एमएस धोनी (विकेटकीपर), सिसांडा मगला, महेश थिकशन, तुषार देशपांडे, आकाश सिंग