World Cup 2023: शेपूट वाकडंच! पाकिस्तानचा अजूनही नकार; वर्ल्डकपपूर्वी घेतला मोठा निर्णय

Pakistan Cricket Team: भारत - पाकिस्तान यांच्यातील हाय व्होल्टेज सामना १५ ऑक्टोबर रोजी रंगणार आहे.

Pakistan cricket boardsaam tv

PCB On World cup 2023: आयसीसी वर्ल्ड कप २०२३ स्पर्धेचा बिगुल वाजला आहे. या स्पर्धेचे वेळापत्रक देखील जाहीर करण्यात आले आहे. वेळापत्रकानुसार भारत - पाकिस्तान यांच्यातील हाय व्होल्टेज सामना १५ ऑक्टोबर रोजी रंगणार आहे.

हा सामना अहमदाबादच्या नरेंद्र मोदी स्टेडियमवर रंगणार आहे. या सामन्याची दोन्ही देशातील चाहते आतुरतेने वाट पाहत आहेत. मात्र पाकिस्तान क्रिकेट बोर्डने अजूनही पाकिस्तान संघाला भारतात जाण्याची अनुमती दिलेली नाही. दरम्यान याबाबत आता आणखी एक मोठी अपडेट समोर आली आहे.

Team India New Sponsor: BYJU'S ची कायमची सुट्टी! टीम इंडियाच्या जर्सीवर झळकणार Dream 11 चा लोगो; तब्बल इतक्या कोटींचा केला करार

आगामी वर्ल्ड कप स्पर्धेचे यजमानपद बीसीसीआयकडे आहे. त्यामुळे पाकिस्तानला वर्ल्ड कप खेळण्यासाठी भारतात यावं लागणार आहे. दरम्यान पाकिस्तानचा संघ भारतात येण्यापूर्वी पाकिस्तानची सेक्युरिटी टीम भारतात पाहणी करण्यासाठी येणार असल्याची माहिती समोर येत आहे. ज्या ठिकाणी सामने होणार आहेत,त्या ठिकाणी सेक्युरिटी टीम पाठवणं हा प्रक्रियेचा एक भाग आहे.

पीसीबीच्या प्रवक्त्याने म्हटले की, 'आम्ही सामन्यांच्या ठिकाणांसह भारताच्या कोणत्याही दौऱ्यासाठी पाकिस्तान सरकारच्या परवानगीची वाट पाहत आहोत. आम्ही पाकिस्तान सरकारच्या संपर्कात आहोत. पाकिस्तान सरकारकडून कुठलाही निर्णय आल्यानंतर आम्ही आयसीसीला कळवु.' पाकिस्तानचे सामने हे अहमदाबाद, बंगळुरू, चेन्नई, कोलकाता आणि हैदराबाद या ठिकाणी रंगणार आहेत.

संघ करतात ठिकाणांची पाहणी..

वर्ल्ड कप ही आयसीसीची सर्वात मोठी स्पर्धा आहे. काही संघ, स्पर्धेपूर्वी सुरक्षा तपासणी करत असतात. यापुर्वी २०१६ मध्ये भारतात टी-२० वर्ल्ड कप स्पर्धेचे आयोजन केले गेले होते. त्यावेळी, भारताचा धर्मशाळा येथे होणारा सामना हा कोलकाताला शिफ्ट करण्यात आला होता. (Latest sports updates in marathi)