![IND Vs SL Live Telecast](http://media.assettype.com/saamtv%2F2024-07%2Fd8e3e1e4-2651-4a87-8e06-4aa3ec8ba3ed%2FIND%20Vs%20SL%20Live%20Telecast.jpg?w=480&auto=format%2Ccompress&fit=max)
टीम इंडिया सध्या श्रीलंका दौऱ्यावर असून 27 जुलैपासून पल्लेकेले येथे श्रीलंकेविरुद्ध टी-20 मालिका सुरू होत आहे. या मैदानावरच तिन्ही सामने होणार आहेत. टीम इंडियाने संपर्ण मालिका जिंकण्याचा निर्धार केला आहे. टीम इंडियासाठी ही मालिका खास असणार आहे कारण संघाचा कर्णधार आणि प्रशिक्षक दोघंही नवीन आहेत. टी-20 संघाची कमान सूर्यकुमार यादवच्या हाती असणार आहे. तर मुख्य प्रशिक्षक बनल्यानंतर गौतम गंभीरची ही पहिली मालिका असणार आहे.
टीम इंडियाला श्रीलंकेत टी-20 मालिका जिंकायची आहे आणि त्यासाठी पल्लेकेलेच्या मैदानावर विशेष सराव सुरू करण्यात आला आहे. मीडिया रिपोर्ट्सनुसार, टीम इंडियाने गुरुवारी एक स्पेशल फिल्डिंग ड्रिल केली ज्यामध्ये टीमचे तीन कर्णधार बनवण्यात आले.गौतम गंभीरने सूर्यकुमार यादव, शुभमन गिल आणि हार्दिक पांड्याला कर्णधार बनवलं होतं. प्रत्येक संघात 5-5 सदस्य होते. तिन्ही संघांनी आपली सर्वोत्तम कामगिरी केली पण शेवटी हार्दिक पंड्याचा संघाने बाजी मारली.
गुरुवारी पल्लेकेले येथे झालेल्या सराव दरम्यान हार्दिक पांड्या आणि सूर्यकुमार यादव यांच्यात बराचवेळ चर्चा सुरू होती. कर्णधारपदाच्या वादानंतर पहिल्यांदाच दोन्ही खेळाडू इतके दिवस बोलतांना दिसले. T20 विश्वचषक 2024 च्या विजयानंतर हार्दिक पांड्याकडे टी-20 संघाची जबाबदारी सोपवण्यात येईल अशी चर्चा होती. मात्र त्याच्या फिटनेसचा विचार करून टीम इंडियाच्या व्यवस्थापनाने ही जबाबदारी सूर्यकुमार यादवकडे सोपवली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.