![Shani Dev Rashi](http://media.assettype.com/saamtv%2F2024-02%2F8c524d79-1598-47c0-80c8-5437b29f734c%2Feknath_shinde___2024_02_24T210730_137.jpg?w=480&auto=format%2Ccompress&fit=max)
वैदिक ज्योतिषशास्त्रात शनिदेव कर्मानुसार फळ देत असतात. शनिदेव व्यक्तींना त्यांच्या कर्मानुसार फळ देत असतात. ज्या लोकांवर शनिदेवाची वक्रदृष्टी पडत असते, त्यांना अनेक अडचणींना सामोरे जावे लागते. यामुळे प्रत्येक व्यक्ती शनिदेवाच्या वक्रदृष्टीपासून वाचवण्याचा प्रयत्न करत असते. मात्र शनिदेव नेहमीच दंड देत नाहीत. ज्या लोकांना शनिदेव आशीर्वाद देत असतात, ते राजासारखे जीवन जगतात.(Latest News)
शनिदेवाच्या कृपेने गरीब माणूसही राजा होऊ शकतो. दरम्यान ज्योतिष शास्त्रातील १२ राशींपैकी दोन राशींवर शनिदेवाची कृपा नेहमी राहत असते. शनिदेवाच्या कृपेने या दोन राशीच्या लोकांना त्यांच्या आयुष्यात कधीच कोणतीच समस्या येत नाही. शनिदेवाची सर्वात आवडत्या दोन राशी कोणत्या हे आज जाणून घेणार आहोत.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
मकर राशी
शनिदेव मकर राशीचा अधिपती ग्रह आहेत. मकर राशीच्या लोकांवर शनिदेव नेहमी कृपा ठेवतात. यामुळे मकर राशीच्या लोकांना कधीच आर्थिक समस्यांचा सामना करावा लागत नाही. मकर राशीच्या लोकांची दु:खातून आणि अडचणीतून लवकर सुटका होत असते. शनिदेवाच्या कृपेने मकर राशीचे लोक भाग्यवान असतात. भाग्य त्यांना साथ देत असते. या राशीच्या लोकांचा स्वभाव अगदी साधा आणि सरळ असतो. मकर राशीच्या स्वभावामुळे शनिदेव त्यांच्यावर प्रसन्न असतात.
कुंभ
वैदिक ज्योतिषानुसार शनिदेव कुंभ राशीचाही अधिपती ग्रह आहे. कुंभ राशीच्या लोकांवर शनिदेव नेहमी कृपा करतात. कुंभ राशीच्या लोकांच्या स्वभाव अगदी साधा असतो. या कारणांमुळे शनिदेव त्यांना विशेष आशीर्वाद देत असतात. कुंभ राशीचे लोक नेहमी इतरांना मदत करण्यास तयार असतात. पैशाच्या बाबतीतही ते भाग्यवान असतात.
डिस्क्लेमर: येथे दिलेली माहिती ज्योतिषशास्त्रावर आधारित आहे आणि केवळ माहितीसाठी दिली जात आहे. साम टीव्ही याला दुजोरा देत नाही.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.