BEL Recruitment: सरकारी कंपनीत नोकरीची संधी; भारत इलेक्ट्रॉनिक्स लिमिटेडमध्ये भरती; अर्ज कसा करावा?

भारत इलेक्ट्रॉनिक्स लिमिटेडमध्ये ट्रेनी इंजिनियर पदासाठी भरती जाहीर करण्यात आली आहे. या नोकरीसाठी अर्जप्रक्रिया सुरुदेखील झाली आहे. या नोकरीसाठी अर्ज करण्याची शेवटची तारीख ७ ऑक्टोबर २०२५ आहे. या नोकरीसाठी तुम्ही bel-india.in वर जाऊन अर्ज करायचा आहे.

पात्रता

भारत इलेक्ट्रॉनिक्स लिमिटेडमधील ट्रेनी इंजिनियर पदासाठी उमेदवारांनी मान्यताप्राप्त विद्यापीठातून बीई, बीटेक किंवा बीएससी पदवी प्राप्त केलेली असावी. याचसोबत विविध विभागातील पदासाठी पात्रता वेगवेगळी असणार आहे. याबाबत सविस्तर माहिती अधिकृत वेबसाइटवर देण्यात आली आहे.

पगार

या नोकरीसाठी अर्ज करणाऱ्या उमेदवाराची वयोमर्यादा २८ पेक्षा जास्त नसावी. राखीव प्रवर्गातील उमेदवारांना वयोमर्यादेत सूट देण्यात आली आहे. या नोकरीसाठी निवड झाल्यावर उमेदवारांना ३०,००० रुपये पगार मिळणार आहे. दुसऱ्या वर्षी ३५,००० रुपये आणि तिसऱ्या वर्षी ४०,००० रुपये पगार मिळणार आहे.

निवडप्रक्रिया

या नोकरीसाठी उमेदवारांची निवड लेखी परीक्षेद्वारे होणार आहे. ही लेखी परीक्षा ९० मिनिटांची असणार आहे. याचसोबत या परीक्षेत निगेटिव्ह मार्केटिंगदेखील असणार आहे. या नोकरीसाठी अर्ज करताना सामान्य प्रवर्गातील उमेदवारांना १७७ रुपये शुल्क भरायचे आहे. राखीव प्रवर्गातील उमेदवारांना कोणतेही शुल्क भरायचे नाही.