Uttar Pradesh Crime News: उत्तर प्रदेशातील बहराइचमधून एक धक्कादायक घटना समोर आली आहे. सुहागराजच्या सेझमध्ये एका नवविवाहित जोडप्याचा संशयास्पद मृत्यू झाल्याने खळबळ उडाली आहे. ज्या घरात नव्या सुनेच्या आगमनाचा आनंद साजरा होत होता, तेच घर अचानक शोक सागरात बुडाले. घटनेची माहिती मिळताच पोलिसांनी घटनास्थळी पोहोचून दोघांचे मृतदेह ताब्यात घेऊन पोस्टमॉर्टमसाठी पाठवले आहेत. आता पोस्टमॉर्टम रिपोर्ट आल्यानंतरच दोघांच्या मृत्यूचे कारण समजेल.
याबाबत समोर आलेल्या माहितीनुसार, हे प्रकरण कैसरगंजमधील गोदहिया क्रमांक चारचे आहे. गोधिया क्रमांक चारमध्ये राहणाऱ्या प्रतापचा विवाह मंगळवारी (३० मे) रोजी गुल्लानपुरवा गावात राहणाऱ्या पुष्पा यादवसोबत झाला होता. मोठ्या थाटामाटात लग्नाची मिरवणूक वधूच्या दारात पोहोचली. अगदी धुमधडाक्यात लग्नाचे सर्व विधी पार पडले. त्यानंतर बुधवारी नववधूला आनंदात वराने आपल्या घरी आणले.
रात्री नवविवाहित जोडपे झोपण्यासाठी त्यांच्या खोलीत गेले. त्यानंतर आज सकाळी बराच वेळ होऊनही त्यांच्या खोलीतून कोणीही बाहेर न आल्याने कुटूंबियांना संशय आला. त्यामुळेच खिडकीतून खोलीत पाहिले असता दोघेही बेडवर बेशुद्ध अवस्थेत पडलेले दिसले. (Latest Marathi News)
त्यानंतर कुटुंबीयांनी दरवाजा तोडून खोलीत प्रवेश केला असता दोघेही मृतावस्थेत पडलेले दिसले. या भयंकर प्रकाराने लग्न घरात एकच गोंधळ उडाला. घटनेची माहिती तात्काळ मुलीच्या घरच्यांना देण्यात आली. दरम्यान, सध्या पोलिस या घटनेचा अधिक तपास करत आहेत. तपास आणि पोस्टमॉर्टम रिपोर्टनंतरच मृत्यूचे नेमके कारण स्पष्ट होईल, असे पोलिसांचे म्हणणे आहे. (Uttar Pradesh Crime)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
