Pm Modi News: वाराणसीत PM मोदींच्या सुरक्षेत मोठी चूक, तरुणाने ताफ्यासमोर घेतली उडी

PM Modi in Varanasi: वाराणसीत PM मोदींच्या सुरक्षेत मोठी चूक, तरुणाने ताफ्यासमोर घेतली उडी
Pm Modi News
Pm Modi NewsSaam Tv

PM Modi in Varanasi:

पंतप्रधान नरेंद्र मोदी यांच्या सुरक्षेत मोठी चूक झाल्याची बातमी समोर येत आहे. वाराणसीतील रुद्राक्ष केंद्राबाहेर ही घटना घडली. येथून पंतप्रधान नुकतेच विमानतळाकडे रवाना झाले होते. दरम्यान, त्यांच्या ताफ्यासमोर एका तरुणाने उडी मारली.

हा तरुण पंतप्रधानांच्या गाडीपासून जेमतेम 10 फूट अंतरावर होता. पोलिसांनी धाव घेऊन त्याला ताब्यात घेतलं. एसपीजी त्याची चौकशी करत आहे. हा तरुण भाजपचा कार्यकर्ता असल्याचे सांगण्यात येत आहे. तसेच तो गाझीपूर जिल्ह्यातील रहिवासी असल्याचं समजतं आहे.

Pm Modi News
Maharashtra Politics: सोमवारपासून आमदार अपात्रतेबाबत सुनावणी; शाह, शिंदे आणि फडणवीसांची बंद दाराआड चर्चा; काय ठरली रणनीती?

नवभारत टाइम्सने दिलेल्या वृत्तानुसार, एका कार्यक्रमासाठी पंतप्रधान मोदी वाराणसी येथे पोहोचले होते. रुद्राक्ष कन्व्हेन्शन सेंटरमधून बाहेर पडल्यानंतर पंतप्रधान मोदी विमानतळाकडे रवाना झाले. दरम्यान, गाझीपूर येथील एक तरुण त्यांच्या ताफ्यासमोर आला आणि त्याने अचानक उडी मारली.  (Latest Marathi News)

तरूणाने जिथून उडी मारली तेथून पंतप्रधान मोदींची गाडी अवघ्या 10 फूट अंतरावर होती. या तरुणाला ताफ्यासमोर उडी मारताना पाहून सुरक्षा कर्मचाऱ्यांना धक्काच बसला. घटनास्थळी उपस्थित असलेल्या पोलिसांनी तरुणाला ताब्यात घेतले. पोलिसांनी त्या तरुणाला पोलिस ठाण्यात नेले. पोलिसांच्या चौकशीत तरुणाने सांगितले की, तो सैन्य भरतीची तयारी करत आहे.

Pm Modi News
Vande Bharat Train: रविवारी 11 राज्यांना मिळणार 9 वंदे भारत ट्रेन, पंतप्रधान मोदी दाखवणार हिरवा कंदील

पोलिसांना या तरुणाकडे एक फाईलची सापडली आहे. या तरुणाने पोलिसांना सांगितले की, यापूर्वी सैन्य भरतीसाठी शारीरिक चाचणी पूर्ण केल्यानंतर त्याला वैद्यकीय चाचणीत निवडण्यात आले होते. मात्र त्याला अद्यापही नोकरीत रुजू करून घेण्यात आलं नाही. त्यामुळे तो पंतप्रधानांना याबाबत विनंती करण्यासाठी तिथे गेला होता.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com