नवी दिल्ली: देशाच्या अर्थमंत्री निर्मला सीतारामण (FM Nirmala Sitharaman) यांनी आज आर्थिक वर्षासाठीचा अर्थसंकल्प सादर केला. हा अर्थसंकल्प देशाच्या स्वातंत्र्याच्या 100 व्या वर्षाची ब्लु प्रिंट आहे, असं अर्थमंत्री म्हणाल्या. यावेळी त्यांनी अनेक मोठ्या घोषणा केल्यात, त्यापैकीच एक म्हणजे आता क्रिप्टो करन्सीच्या कमाईवर 30 टक्के कर लागणार आहे (Union Budget 2022 30 percent tax to be charged on income get from cryptocurrency).
क्रिप्टो करन्सीबाबत सरकारने मोठा निर्णय घेतला आहे. क्रिप्टो करन्सीच्या कमाईवर 30 टक्के कर लागणार, अशी घोषणा अर्थमंत्री निर्मला सीतारामन (FM Nirmala Sitharaman) यांनी केलीये. अनेक दिवसांपासून देशात क्रिप्टो करन्सीच्याबाबत चर्चा सुरु होती. तरुणाई त्याकडे आकर्षित होताना पाहायला मिळाली होती.
RBI डिजिटल चलन सुरू करणार
रिझर्व्ह बँक ऑफ इंडिया (RBI) स्वतःचे डिजिटल चलन सुरू करणार असल्याचे अर्थमंत्र्यांनी सांगितले. रिझव्‍‌र्ह बँक स्वत:चे डिजिटल चलन आणेल, ज्याला डिजिटल रुपया असे म्हटले जाईल, असे अर्थमंत्र्यांनी अर्थसंकल्पात स्पष्ट केले.
Edited By - Nupur Uppal
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
