India Vs Pakistan: जैसलमेरमध्ये जिवंत बॉम्ब, पंजाबमध्ये शेतात पडलं पाकिस्तानचं मिसाईल; नागरिकांमध्ये भीतीचे वातावरण | VIDEO

भारत पाकिस्तानातील तणाव आणखी वाढत चालला आहे. पाकिस्तानकडून भारताच्या दिशेने गोळीबार, ड्रोन हल्ला आणि बॉम्ब हल्ले सुरूच आहेत. मध्यरात्री पाकिस्ताने जैसलमरे, बिकानेर आणि श्रीगंगानगरसह सीमेलगत असलेल्या अनेक ठिकाणी ड्रोन आणि मिसाईल हल्ले केले. भारतीय लष्कराने देखील त्यांना चोख प्रत्युत्तर दिलं. पाकिस्तानचा हल्ल्याचा प्रयत्न जवानांनी हाणून पाडला. पाकिस्ताने ५० पेक्षा अधिक ड्रोन भारताने पाडले. अशातच आता राजस्थानच्या राजस्थानच्या जैसलमेरमध्ये जिवंत बॉम्ब आढळून आल्यामुळे खळबळ उडाली आहे.

मिळालेल्या माहितीनुसार, जैसलमेरमधील किशनघाट परिसरात जिवंत बॉम्ब आढळून आळा आहे. हा बॉम्ब जमिनीत अर्धा गाडला गेला आहे. स्थानिक नागरिकांनी याबाबत पोलिस आणि प्रशासनाला माहिती दिली आहे. याची माहिती मिळताच पोलिस पथक घटनास्थळी दाखल झाले आहेत. पोलिसांनी परिसर सील केला आहे. घटनास्थळी १०० मीटरच्या परिघात कोणालाही येण्या-जाण्याची परवानगी नाही.

लष्कराची क्यूआरटी टीम घटनास्थळी दाखल झाली आहे. या बॉम्बची तपासणी करण्यासाठी लष्कराची क्यूआरटी टीम जैसलमेरला पोहोचली आहे. तो बॉम्ब सक्रिय आहे की निष्क्रिय आहे याबद्दल कोणतीही माहिती मिळालेली नाही. बॉम्ब आढळल्यामुळे किसनघाटी परिसरात एकच खळबळ उडाली आहे. नागरिकांमध्ये भीतीचे वातावरण आहे.

तर दुसरीकडे पंजाबच्या होशियारपूरमध्ये पाकिस्तानचे मिसाईल आढळू आले आहे. हे मिसाईल शेतामध्ये पडले आहे. त्यामुळे एकच खळबळ उडाली आहे. सध्या लष्कराच्या जवानांनी घटनास्थळी धाव घेतली आहे. तपास सुरू केला आहे. याठिकाणी नागिरकांना येण्यास बंदी घालण्यात आली आहे. याचे व्हिडीओ समोर आले असून ते व्हायरल होत आहेत.