Haryana Crime News : पाऊस आल्याने दुकानाबाहेर उभी राहिली, विद्यार्थिनीवर सलूनचालकाची नजर पडली, अन्...

Haryana News : हरियाणाच्या गुडगावमधून एक धक्कादायक घटना समोर आली आहे. चाकूचा धाक दाखवून विद्यार्थीनीवर अत्याचार केल्याची घटना घडली आहे. एका सलून चालकाने हे दुष्कृत्य केलं आहे. फरिदाबादच्या बल्लभगड भागात ही घटना घडली आहे.

29 मे रोजी पीडित विद्यार्थिनी शाळेतून घरी येत होती. मात्र वाटेत अचानक पाऊस आल्याने मुलगी पावसापासून वाचण्यासाठी एका सलूनच्या बाहेर उभी होती. त्यावेळी आरोपी सलून चालकाची नजर विद्यार्थिनीवर पडली. आरोपीने तिला आत ओढले आणि चाकूचा धाक दाखवून तिच्यावर बलात्कार केला. (Crime News)

आईच्या तक्रारीवरुन गुन्हा दाखल

याप्रकरणी आरोपी सलून चालक प्रवीण याला पोलिसांनी अटक केली आहे. मुलीच्या आईच्या तक्रारीवरून त्याच्याविरुद्ध गुन्हा दाखल करण्यात आला आहे. आरोपीला न्यायालयात हजर केले गेले आणि त्याची रवानगी न्यायालयीन कोठडीत करण्यात आली आहे. (Latest News)

जामीनावर होता बाहेर

प्रवीणने यापूर्वीही बल्लभगढ परिसरात अल्पवयीन मुलीवर अत्याचार केला होता. त्याच्यावर पोक्सो कायद्यांतर्गत गुन्हा दाखल करण्यात आला होता. सध्या आरोपी जामिनावर तुरुंगाबाहेर होता. पोलिसांनी त्याच्याकडून चाकू आणि मोटरसायकल जप्त केली आहे.