केदारनाथमध्ये हेलिकॉप्टरचा अपघात होता होता टळला; थराराक व्हिडिओ

देहरादून: केदारनाथमध्ये ३१ मे रोजी एका खासगी विमान कंपनीचे एक हेलिकॉप्टर (Helicopter) लँडिंग दरम्यान अपघात होत असताना थोडक्यात बचावले. लँडिंग दरम्यान पायलटचे हेलिकॉप्टरवरील नियंत्रण काही काळ तुटले होते. नंतर पायलटने हेलिकॉप्टर पुन्हा नियंत्रणात आणून सुरक्षित लँड केले. यात कोणताही प्रवासी जखमी झालेला नाही. या घटनेचा व्हिडिओ सध्या सोशल मीडियावर व्हायरल झाला आहे.

यावर आता नागरी विमान वाहतूक महासंचालनालयाने हेलिकॉप्टर (Helicopter) पायलटांना लँडिंग संबंधी सूचना जारी केल्या आहेत. यात सुरक्षा नियमांचे काटेकोरपणे पालन करण्यास सांगितले आहे. यासोबतच ऑपरेटर्सच्या कामांची माहिती घेण्यासाठी स्पॉट चेकचेही नियोजन करण्यात आले आहे. ३१ मे रोजी घडलेल्या घटनेची चौकशी करण्यात येणार आहे.

केदारनाथमध्ये सततच्या खराब हवामानामुळे हेलिकॉप्टर (Helicopter) पायलटनाही अडचणींचा सामना करावा लागत आहे. ३१ मे रोजीही असाच प्रकार घडला होता. खराब हवामानामुळे पायलटला लँडिंग करताना अडचणींचा सामना करावा लागला. पण पायलटने पन्हा हेलिकॉप्टर नियंत्रित आणले, त्यामुळे अपघात टळला.

आता नागरी विमान वाहतूक विभाग या संपूर्ण प्रकरणाची चौकशी करत आहे. हा अपघात हवामानामुळे झाला की वैमानिकाच्या निष्काळजीपणामुळे झाला याचा शोध घेतला जाणार आहे.