Joshimath Sinking Live Updates : इस्त्रोचे धोकादायक संकेत! संपूर्ण पवित्र जोशीमठ शहरंच उध्वस्त होणार?

ISRO report on Joshimath: हे जोशीमठ धसण्याच्या प्रक्रियेवर इस्त्रोने धोकादायक इशारा दिला आहे.
Joshimath Isro Satellite
Joshimath Isro SatelliteSaamtv

Joshimath Sinking News: हिमालयाचं प्रवेशद्वार संबोधल्या जाणाऱ्या आणि हिंदू धर्मात पवित्र स्थान असलेल्या जोशी मठाची. चमोली जिल्ह्यात आदि शंकराचार्य स्थापीत केलेलं हे तिर्थस्थळ. मात्र, इथं जमीन धसण्याचं प्रमाण वाढल्यानं अनेक लोक घर सोडून जात आहेत. आता हे जोशीमठ धसण्याच्या प्रक्रियेवर इस्त्रोने धोकादायक इशारा दिला आहे.

इंडियन स्पेस रिसर्च ऑर्गनायझेशन (ISRO) च्या नॅशनल रिमोट सेन्सिंग सेंटरने जोशीमठ शहराच्या उपग्रहातील फोटो प्रसिद्ध केले आहेत. या फोटोंवरुन जोशीमठ जमीनीत बुडण्याची प्रक्रिया कशी संथगतीने सुरू आहे, तसेच जोशीमठ अवघ्या 12 दिवसांत 5.4 सेंटीमीटरपर्यंत बुडाल्याचे सॅटेलाइट इमेजमधून दिसून आले आहे.

Joshimath Isro Satellite
विश्लेषण : जोशी मठाची जमीन अचानक का धसतेय?

याबाबत अधिक माहिती अशी की, इस्रोने अंतराळातून जोशीमठाचे फोटो प्रसिद्ध केले आहेत आणि याद्वारे , 27 डिसेंबर 2022 ते 8 जानेवारी 2023 दरम्यान 5.4 सेमी भूस्खलनाची नोंद झाली आहे. एप्रिल 2022 ते नोव्हेंबर 2022 दरम्यान, जोशीमठमध्ये 9 सेंटीमीटरची संथ घट झाली. एनएसआरसीने गेल्या आठवड्यात सांगितले की डिसेंबर ते जानेवारीच्या पहिल्या आठवड्यादरम्यान वेगाने घट सुरू झाली आहे. असा इशारा दिला आहे.

चमोली जिल्हा प्रशासनाने जोशीमठ हे भूस्खलन क्षेत्र म्हणून घोषित केले आहे. गेल्या काही दिवसांत शेकडो घरे आणि इमारतींना तडे गेले आहेत. जोशीमठमधून शेकडो कुटुंबांना सुरक्षित स्थळी हलवण्याची परिस्थिती निर्माण झाली आहे. दरम्यान, राज्य सरकारने 1.5 लाख रुपयांचे मदत पॅकेज जाहीर केले असून पुनर्वसन करण्याचे काम सध्या सुरू आहे.

Joshimath Isro Satellite
Pune Fire News : पुण्यात अग्नितांडव! सिंहगड रोडवर गॅसची पाईपलाईन फुटली

भूस्खलनाला जबाबदार कोण?

जोशीमठमधील भूस्खलनाचे विश्लेषण करण्यासाठी अनेक तज्ञ पथके तैनात करण्यात आली आहेत. मात्र, स्थानिक लोकांनी एनटीपीसी जलविद्युत प्रकल्पाच्या बोगद्याच्या कामाला जबाबदार धरले आहे. दुसरीकडे, एनटीपीसीने एक निवेदन जारी करून दावा केला आहे की त्यांचा बोगदा जोशीमठच्या खाली जात नाही. (Latest Marathi News)

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com