भारताला लवकरच कोरोनाच्या आणखी दोन स्वदेशी लसी मिळणार- आरोग्यमंत्री मांडवीय

येत्या काही दिवसांत आणखी दोन स्वदेशी कोविड-19 लसी उपलब्ध होतील, अशी माहिती आरोग्यमंत्री मनसुख मांडविया (Mansukh Mandaviya) यांनी सोमवारी लोकसभेत दिली आहे. 'नॅशनल इन्स्टिट्यूट ऑफ फार्मास्युटिकल एज्युकेशन अँड रिसर्च विधेयक, 2021' (National Institute of Pharmaceutical Education and Research Bill) मंजूर झाल्यावर मांडविया म्हणाले की, दोन्ही नवीन लसींसाठी तिसऱ्या टप्प्यातील चाचणी डेटा सादर केला गेला आहे.

ते पुढे म्हणाले, 'आम्हाला आशा आहे की दोन्ही नवीन लसींचा डेटा आणि चाचणी यशस्वी होईल. या दोन्ही कंपन्या भारतीय असून, यासंबंधीचे संशोधन आणि उत्पादनही देशातच झाले आहे. सरकारच्या मदतीने भारतीय शास्त्रज्ञांनी अवघ्या 9 महिन्यांत कोविड-19 लस विकसित केली आहे.

हे देखील पहा-

मांडविय म्हणाले की, सरकारने देशात 51 API (सक्रिय फार्मास्युटिकल घटक) चे उत्पादन सुनिश्चित करण्यासाठी 14,000 कोटी रुपयांच्या उत्पादकाशी संलग्न प्रोत्साहन योजनेला मान्यता दिली आहे. केंद्रीय आरोग्य मंत्री मनसुख मांडविया लोकसभेत 'नॅशनल इन्स्टिट्यूट ऑफ फार्मास्युटिकल एज्युकेशन अँड रिसर्च (सुधारणा) विधेयक 2021' सादर केल्यानंतर बोलत होते. यावेळी अनेक सदस्यांनी देशातील औषधी संशोधनाला चालना देण्याची आणि उत्तम संशोधन केंद्रे स्थापन करण्याची मागणी केली.

हे विधेयक चर्चेसाठी ठेवत मांडवीय म्हणाले की, औषधनिर्माण क्षेत्रातील शैक्षणिक संस्था राष्ट्रीय महत्त्वाच्या संस्था व्हाव्यात. त्यामध्ये संशोधन करून शैक्षणिक संस्था स्थापन करता येतील. या उद्देशाने हे विधेयक आणले आहे.

दरम्यान, नागालँडच्या मुद्द्यावर शहा यांच्या संक्षिप्त वक्तव्यानंतर सोमवारी विरोधकांनी उत्तर देण्यासाठी वेळ मागितला, परंतु सभापतींनी त्यांना परवानगी नाकारली. या घटनेबाबत शाह यांनी राज्यसभेला संबोधित केले ज्यानंतर सभागृहाचे कामकाज मंगळवारपर्यंत तहकूब करण्यात आले आणि विरोधकांच्या सततच्या निदर्शनांदरम्यान सभागृहाचे कामकाज तहकूब करण्यात आले.

12 सदस्यांच्या निलंबनावरून संसदेच्या वरिष्ठ सभागृहात सतत गोंधळ सुरू आहे. विरोधी पक्षांच्या नेत्यांनी सहकाऱ्यांच्या निलंबनाला विरोध केला आहे. दरम्यान, अंमली पदार्थ आणि सायकोट्रॉपिक पदार्थ (सुधारणा) विधेयक, 2021 लोकसभेत सादर करण्यात आले.