India Canada Tension: आनंद महिंद्राने कॅनडाला दिला मोठा धक्का, देशात बंद केला व्यवसाय...

Anand Mahindra News:

गेल्या काही दिवसांपासून कॅनडा आणि भारत यांच्यातील वाद वाढत चालला आहे. दोन्ही देशांमधील वाढत्या तणावाचा परिणाम व्यवसायावर दिसू लागला आहे. दोन्ही देशांमधील वाढत्या तणावादरम्यान उद्योगपती आनंद महिंद्रा यांनीही मोठा निर्णय घेतला आहे.

आनंद महिंद्रा यांची कंपनी महिंद्रा अँड महिंद्राने कॅनडामधील आपली कंपनी रेसन एरोस्पेस कॉर्पोरेशनसोबतची भागीदारी संपवण्याचा निर्णय घेतला आहे. या कॅनडाच्या कंपनीत महिंद्रा अँड महिंद्राची 11.18 टक्के भागीदारी आहे.

महिंद्रा अँड महिंद्राची उपकंपनी रेसन एरोस्पेस कॉर्पोरेशनने कॅनडामधील आपले कामकाज बंद करण्याची घोषणा केली आहे. कॅनडा आणि भारत यांच्यातील तणाव शिगेला पोहोचलेला असताना त्यांनी हा निर्णय घेतला आहे. दोन्ही देशांमध्ये राजनैतिक संघर्ष सुरू आहे. महिंद्राने आपली कंपनी बंद केल्याने कॅनडाच्या अर्थव्यवस्थेला मोठा फटका बसेल.  (Latest Marathi News)

महिंद्रा अँड महिंद्राने कॅनेडियन कंपनी रेसन एरोस्पेस सोबतचे आपले संबंध तोडले आहेत आणि 11.18% हिस्सा विकला आहे. रेसन एरोस्पेसने कॅनडामध्ये एक निवेदन देत आपला व्यवसाय बंद करण्याची घोषणा केली आहे. आता महिंद्राने कंपनीसोबतचे संबंध संपवण्याचा निर्णय घेतला आहे. महिंद्राने ही माहिती सेबीला दिली आहे.

दरम्यान, रेसन ही शेतीशी संबंधित टेक सोल्युशन्स बनवणारी कंपनी आहे. महिंद्रा अँड महिंद्रा देखील शेतीशी संबंधित उत्पादने बनवते. मात्र, महिंद्र अँड महिंद्राच्या या निर्णयाचा परिणाम त्यांच्या शेअर्सवर दिसून आला आहे.