Human Barbie Doll : युक्रेनच्या व्हॅलेरियाची जगभर चर्चा; तरूणी बनली बार्बी डॉल, वाचा स्पेशल रिपोर्ट

सुप्रीम मस्कर, साम टीव्ही

लहान मुलांना खेळणी खेळायला आवडतात. प्रत्येकाच्या खेळण्यात बाहुली असतेच..विशेष करून लहान मुलींना बाहुल्यांची जास्तच आवड असते. मात्र युक्रेनमध्ये चक्क एक तरूणीच बाहुली बनलीय. आपला लूक डॉलसारखा दिसावा यासाठी तिनं स्वत:वर शस्त्रक्रियाही करून घेतलीय. या तरूणीचं नाव आहे. व्हॅलेरिया लुक्यानोव्हा...तिला मानवी बार्बी डॉल म्हणूनही ओळखलं जातं.

युक्रेनियन मॉडेल व्हॅलेरिया सध्या मॉस्कोमध्ये राहते आणि तिच्या बार्बी डॉलसारख्या दिसण्यामुळे ती जगभरात चर्चेत आलीय. त्यासाठी व्हॅलेरियानं ब्रेस्ट इम्प्लांट केले आहेत. मात्र तिच्या शरीराचा उर्वरित भाग नैसर्गिक असून, दररोज व्यायाम आणि विशिष्ट आहारामुळे घेते..व्हॅलेरियाचं वय 39 वर्ष आहे.

वयाच्या 16 व्या वर्षापासून 2014 पर्यंत ती युक्रेनमधील ओडेसा इथं राहत होती, त्यानंतर ती मॉस्कोला स्थायिक झालीय. 2007 मध्ये तिने मिस डायमंड क्राऊन ऑफ द वर्ल्ड ही आंतरराष्ट्रीय सौंदर्य स्पर्धा जिंकली होती. या स्पर्धेत सुमारे 300 स्पर्धक होते आणि विशेष म्हणजे, यात प्लास्टिक सर्जरी किंवा बॉडी मॉडिफिकेशनला मनाई नव्हती.

सोशल मीडियावर स्वतःचे फोटो आणि व्हिडीओ पोस्ट केल्यानंतर व्हॅलेरिया तिच्या बार्बी डॉलसारख्या दिसण्यामुळे प्रसिद्ध झाली. रशियाबाहेरील माध्यमांमध्ये तिची पहिली दखल जेझेबेल ब्लॉगवर घेण्यात आली, त्यानंतर व्ही मासिकासाठी सेबॅस्टियन फाएनाने तिचं फोटोसेशन केलं.

माध्यमांनी तिला जिवंत बार्बी डॉल अशी उपमा दिली आणि व्हॅलेरिया जगभरात प्रसिद्ध झालीय. व्हॅलेरिया लुक्यानोव्हानं तिचा बालपणीचा मित्र आणि युक्रेनियन उद्योगपती दिमित्री शक्राबोव्हशी लग्न केलय. मात्र तिला कौटुंबिक जिवनशैली नकोय. म्हणूनच मूल जन्माला घालण्यास तिचा विरोध आहे. आपलं वय कितीही वाढलं तरी आपण डॉलसारखंच दिसावं यासाठीच तिचा हा खटाटोप आहे. अर्थात व्हॅलेरियाचं राहणीमान आणि तिची जिवनशैली पाहता व्हॅलेरिया डॉलचा मान अखेरपर्यंत कायम ठेवेल अशी आशा करायला हरकत नाही.