नवी दिल्ली: राजधानी दिल्लीतील काही हिंदू संघटनांच्या सदस्यांनी मंगळवारी कुतुबमिनारच्या (Qutab Minar) ऐतिहासिक वास्तूजवळ हनुमान चालिसाचे (Hanuman Chalisa) पठण केले. यासोबतच कुतुबमिनारचे नाव बदलून विष्णूस्तंभ (VishnyStambh) करण्याची मागणी या हिंदू संघटनांकडून करण्यात आली आहे. (Hindu outfits demands renaming of Qutub Minar to Vishnu Stambh, stages stir)
हे देखील पाहा -
मिळालेल्या माहितीनुसार, मंगळवारी सकाळपासून कुतुबमिनारजवळ हिंदू संघटनांची निदर्शने सुरू आहेत. महाकाल मानव सेवा (Mahakal Manav Seva) या हिंदू संघटनेच्या सदस्यांनी कुतुबमिनारजवळ हनुमान चालिसाचे पठण करून निषेध केला. कुतुबमिनार हा प्रत्यक्षात विष्णूस्तंभ असल्याचा दावा हिंदू संघटनांनी यावेळी केला आहे. तसेच जैन आणि हिंदू मंदिरे पाडून ही इमारत (कुतुबमिनार) बांधण्यात आला असल्याचा दावाही या संघटानांनी केला.
या घटनेची माहिती मिळताच पोलिसांनी घटनास्थळ गाठून काही लोकांना ताब्यात घेतले. कुतुबमिनार परिसराची सुरक्षा व्यवस्था पोलिसांनी अधिक कडक केली. त्याच वेळी, दिल्ली पोलिसांनी संयुक्त हिंदू आघाडीचे आंतरराष्ट्रीय कार्याध्यक्ष आणि राष्ट्रवादी शिवसेनेचे राष्ट्रीय अध्यक्ष जय भगवान गोयल यांना कुतुबमिनारजवळ हनुमान चालीसा वाचण्यास परवानगी न देत त्यांना नजरकैदेत ठेवले आहे. त्याचप्रमाणे "भारत ही सनातन भूमी आहे, त्यामुळे कुतुबमिनार सोबतच सर्व मुघल इमारती आणि रस्त्यांचेही नामांतर करावे" अशी या आंदोलकांची मागणी आहे.
Edited By - Akshay Baisane
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.